Kreu i Partisë Konservatore, Kujtim Gjuzi ka shpallur kanidaturën për të garuar në primaret e PD-së ku do të zgjidhet kandidati për Bashkinë e Tiranës në zgjedhjet vendore 2023.
Ai ka publikuar në rrjetet sociale dokumentin e kërkesës dorëzuar në selinë blu tek Sali Berisha dhe në fund të dokumentit shkruhet me shkrim dore: “E kam pranuar këtë propozim. Kujtim Gjuzi do të garojë në primare.”
Kështu Kujtim Gjuzi i shtohet listës shumëemërore të Belind Këlliçit, Gert Bogdanit dhe Ilir Alimehmetit që do marrin pjesë në primaret e brendshme të Partisë Demokratik për të garuar për Bashkinë e Tiranës, duke i sfiduar këta të fundit.
