Deputetja e Partisë së Lirisë, Monika Kryemadhi ka vendosur që t’i kalojë me familjen ditët e saj të vështira.
Pas procesit të divorcit që ka nisur me presidentin e PL-së, Kryemadhi duket se ka zgjedhur që t’i rikthehet rrënjëve të saj dhe të kalojë kohë me familjen.
Madje ka postuar edhe një foto me nënën e saj, Fatimen, duke i bërë edhe një dedikim…
Dedikim që duket se vjen pas momentit të vështirë që po kalon Kryemadhi.
“Dibër, toka e mamit…! Kur rrëzohesh, nëna jote është gjithmonë aty për të të ngritur,” shkruan në postimin e saj, Monika Kryemadhi.
E teksa kjo e fundit ishte në Dibër, Ilir Meta zgjodhi ta kalonte fundjavën me miqtë e tij në Mat.
