Belina Pupa është vënë nën akuzë për kultivimin e një sasie droge në Australi.
Ajo po përballet me akuzën e kultivimit të 43 bimëve kanabisi në një pronë në Ascot Park.
Ndërkohë, policia ka shpallur në kërkim bashkëshortin e saj, aktorin Vis Pupa.
Pasi lajmi ka bërë xhiron e rrjetit, Belinda është pyetur nga Dritare TV.
“Përshëndetje Dritare TV. Bëhet fjalë për një pronë të dhënë me qira por që është me emrin tim. Gjyqi po mbahet për pasqyrimin e fakteve.
Nuk mund të them asgjë më shumë, derisa çështja të mbyllet, për arsye hetimesh në radhë të parë por edhe për të qenë e qartë për të gjithë në fund, në radhë të dytë.
Ju falënderoj që më pyetët përpara se të shpërndanit një lajm të përçudnuar”, ka shkruar zonja Pupa në përgjigjen e saj.
