Olsi Bylyku ka qenë i ftuari i radhës në “The Dalina Show” dhe siç ndodh zakonisht, nuk ka lënë asgjë pa thënë. Një nga çështjet që ngjalli më shumë kuriozitet ishte përvoja e tij në “Big Brother VIP”, ku ai rrëfeu se nuk është futur asnjëherë në dhomën e rrëfimit.
“Nëse nuk e dini, atje ka një dhomë ku mund të diskutosh çdo gjë,” – tha Olsi, duke shpjeguar se nuk mund të hysh vetë në dhomën e rrëfimit, por duhet të të thërrasin. Epo, mesa duket, thirrja për të nuk erdhi kurrë.
Sipas tij, mund të ketë pasur një “hatërmbetje” nga produksioni, por ai vetë nuk e di arsyen dhe as çfarë mund ta ketë shkaktuar atë. “Nuk jam natyrë që nuk bashkëpunoj,” – tha ai, duke shtuar se mënyra e daljes së tij nga shtëpia nuk ishte e drejtë.
Olsi tha se do të kishte qenë i gatshëm të lidhej brenda nëse do të ishte e mundur. Megjithatë, ai e kishte një hall më të madh: Nëse do të ndodhte kjo, mos vallë do ta martonin?
Me humorin që e karakterizon, Olsi la të kuptohet se, pavarësisht gjithçkaje, ka ende shumë për të thënë. Por për momentin, duket se e ka lënë pas eksperiencën e tij në Big Brother me ose pa dhomë rrëfimi!
