Krist Alia dhe Deamishel Hoxha kanë qenë shpesh në qendër të thashethemeve se janë në një lidhje dashurie. Zërat u përforcuan, pasi Kristi festoi ditëlindjen nën shoqërinë e saj dhe ai zgjodhi që përmes një postimi në Instastory të saktësojë një herë e mirë për të gjithë marrëdhënien që ka me Dean.
“Thjesht për të pastruar thashethemet: Unë dhe Dea nuk jemi çift. Ne jemi miq që respektojmë njëri-tjetrin dhe kënaqemi kur jemi bashkë. Ne u takuam në vendin më të çuditshëm dhe ndihmuam njëri-tjetrin kur kohët bëheshin të vështira. Miqësi dhe respekt të pastër mes nesh”.
Më tej theksoi:
“Unë kam një marrëdhënie me dikë tjetër. Faleminderit! Dea, vazhdo shkëlqe”, përmbylli ai reagimin.
Dea dhe Kristi e krijuan miqësinë brenda shtëpisë së “Big Brother VIP Albania 2” dhe janë ndër të paktët persona që e ruajtën raportin e tyre edhe jashtë programit.
Shpeshherë ata janë përfolur për një raport sentimental, por të dy i kanë mohuar zërat, duke theksuar se janë thjesht miq të mirë.
