Në “Big Brother VIP Albania 4 Fun Club”, ka qenë i ftuar dje Aldo Marku, për të folur rreth eksperiencës së tij në shtëpi.
Por, gjatë intervistës ish-banori është përplasur ashpër me opinionistin Ronaldo Sharkën, pasi ky i fundit ka thënë “skuth”, referuar regjisorit.
Ish-banori i ka kërkuar Ronaldos t’i shpjegojë kuptimin e fjalës së thënë ndaj tij, pasi sipas Aldos ky etiketim i është vendosur nga mos profesionalizmi i opinionistes së “BBV”, Neda Balluku.
“Të të vijë turp, ke përdorur diçka që nuk ia di kuptimin, je tamam injorant”, i është kthyer Marku opinonistit.
Gjithashtu, ai shprehet i zhgënjyer, pasi thekson se ata të dy njihen nga jashtë dhe se Aldo e ka ndihmuar në periudhën kur Ronaldo ka pasur nevojë për ndihmë.
“Nuk e prisja nga ty, duhet të më mbroje. Të thoje e njoh nga jashtë dhe nuk është ashtu siç thuhet”, është shprehur Aldo.
