Halit Mulaj, kandidati për kryetar bashkie të Hasit për Partinë Socialiste, ka organizuar një ceremoni bamirësie në kuadër të “Natës së Kadrit”, duke shpërndarë ndihma për familjet në nevojë.
Këtë veprim, kundërshtarët e tij politik e kanë konsideruar si blerje votash, sa ka çuar në një përplasje edhe fizike, pasi kandidati i Foltores, Miftar Dauti me mbështetësit e tij kanë bllokuar furgonin e ngarkuar me paketa ushqimore.
Dauti ka dashur ta bëjë çështje, duke lajmëruar policinë dhe mediat pro Berishës.
Ndërkaq, Halit Mulaj në një reagim të tij thekson se ky sherr është i shëmtuar.
“Në këtë natë KADRI dua të shpreh gjithë keqardhjen Time, gjithë neverinë dhe indinjaten jo vetëm timen, ndaj rivalit tim, që disa pako tradicionalisht të përvitshme në këtë natë të bekuar jepen, po e ekzagjeron si blerje votash.
Më vjen turp dhe u them sinqerisht se, nuk arrij ta kuptoj gjjthë këtë egzagjërim!!
E vetmja gjë që po kuptoj në gjithë këtë histori, është se, rivali im po tregohet shum i vogël, gjë që unë nuk e dija që është në këtë nivel!!
Të dashur miqtë e mi, nuk dua të merrem me vogëlsira, ua lë në dorë Ju të dashur Hasian, ta refuzoni masivisht këtë vogëlsirë më 14 maj”, shkruan ai.
