Sali Berisha ka shprehur vlerësim për deputeten Grida Duma, ndonëse fillimisht ajo nuk e mirëpriti kthimin e Berishës në politikën aktive duke thënë se koha e tij kishte përfunduar.
Berisha duket se e vlerëson Grida Dumën për përgjigjet që i jep Edi Ramës, ndaj thotë se nëse do të kishte një emër të dytë, do të quhej Nora e Kelmendit.
“Po të kishte një emër të dytë do të quhej Nora e Kelmendit. Me përgjigjen epike dhe jashtëzakonisht të merituar që i dha Edi Ramës në parlament pasi ai përdori një gjuhë që kurrë nuk mund ta përdorte.
Grida i dha përgjigjen më të merituar atij. Pavarësisht se të kërkosh burrëri te ai që nuk e ka se ai që flet në atë mënyrë nuk ka asgjë në kuptimin e integritetit dhe virtyteve. Por i dha përgjigjen e merituar.
Grida i tha se aparatin tretës e ke në tru. Sa herë del atje të gjithë shqiptarët e shohin me këtë anomali”, tha Berisha, i cili vite më parë thuhej se i recitonte poezi darkë më darkë Gridës, në zyrën e tij.
Për Lulzim Bashën thotë se ishte “aksident”, ndërsa Ilir Metën e cilësoi trim.
Një koment e kishte dhe për dy ministre të Ramës, Elisa Spiropalin për të cilën tha “sakrifikon veten për hiçin”, ndërsa për Ballukun tha se është “Miss hedonizmi, për të mos i thënë Miss bifteku”.