Sali Berisha nuk do të mbajë asnjë lloj përgjegjësie për humbjen drastike të 14 majit.
I pyetur nëse do japë dorëheqjen pasi humbi edhe Shkodrën, Berisha tha se nuk ka ndërmend të largohet pasi sipas tij, PS i ka fituar zgjedhjet me mbështetjen e krimit.
“Shkodra votoi nën pushtim të vërtetë. Të gjitha poll-et e kundërshtarëve, por edhe tonat e nxirrnin Bardh Spahinë 14-16 pikë para.
Nëse mendon ti ose ndokush tjetër se tërhiqet Sali Berisha para krimit, ai sheh veshin e tij pa pasqyrë. Kurrë nuk tërhiqem para bandave të krimit shtetëror dhe jo shtetëror.
Shkodra është shembulli më i shëmtuar në të cilën u votua si në rrethim nga banda të Edi Ramës.
Në Shkodër u përdorën sasi kolosale, dhjetëra milionë euro, jemi bindur që qytetarët e Shkodrës zgjedhjen e krimit, pushtetin e krimit s’do ta pranojnë, kjo është përgjigja ime për ju”, tha Berisha.
