Disa ditë më parë, Efi, një nga konkurrentet e Big Brother VIP, akuzoi opinionisten Zhaklin Lekatari, se i ka ushtruar presion të mos flasë dhe të mos shprehë opinionin e saj gjatë publicitetit të prime.
Madje u publikuan edhe disa mesazhe nga miq të Efit.
Të vërtetën e ka zbuluar një ish-konkurrent i shtëpisë së Big Brother VIP, Shpat Kërleshi.
Moderatori ka qenë i ftuar në emisionin e Ester Bylyku në ‘Glamour Zone’, ku rrëfeu se çfarë ka ndodhur gjatë asaj mbrëmje.
I pyetur nga Ester nëse vërtetë ka ndodhur një debat mes Zhaklinës dhe Efit, Shpati u përgjigj:
“Po, është e vërtetë. Në atë moment, unë kisha dalë nga studio, nuk isha aty, sepse ishte publicitet. Erdha nga fundi, i gjeta duke debatuar, por shumë pak. Madje nuk arrita ta kuptoja për çfarë po diskutonin, por është e vërtetë që ka patur një debat mes tyre”, tha Shpati.
Nga ajo çfarë dihet, është fakti se përballja ka qenë me tone të ashpra më së shumti me Zhakun, e cila edhe është çuar në këmbë, duke iu afruar ish-banores.
Nga ajo çfarë dihet, përballja ka qenë me tone të ashpra dhe Zhaku është çuar në këmbë, duke iu afruar ish-banores.
Konflikti ka qenë në kufijtë për t’u bërë një përballje edhe fizike. Megjithatë, me ndërhyrjen edhe të ish-banorëve të tjerë, dhe të vetë Arbanës, sherri është ulur.
