Gjyqi që rrëmbeu vëmendjen e të gjithëve mes Johnny Depp dhe Amber Heard do të kthehet në film. Kjo betejë ligjore dhe marrëdhënia e ndërlikuar e një prej çifteve më të përfolur, do të përshtatet në ekranet e kinemave, nën titullin “Hot Take: The Depp/Heard Trial”.
Regjisorja do të jetë Sara Lohman dhe filmi është shkruar nga Guy Nicolucci. Johnny Depp do të portretizohet nga Mark Hapka, ndërsa Amber Heard nga Megan Davis.
E ndërsa avokatët do të luhen nga:
Camille Vasquez – Melissa Marty (Avokatja e Johnny).
Marry Carrig – Elaine Bredehoft (këshilltarja e Amber).
Për javë të tëra, e gjithë bota u përqendrua në betejën ligjore të dy ish-bashkëshorteve, ku Heard e kishte akuzuar aktorin për dhunë, ndërsa ky i fundit kërkonte të pastronte emrin dhe reputacionin nga këto akuza. Në fund, gjykata e Virxhinias i dha të drejtë aktorit dhe ai u dëmshpërblye me më shumë se 10 milionë dollarë.
