Në një “rubrikë” pyetje-përgjigjesh në Instagramin e saj personal, Sara Hoxha ka ndarë eksperiencën e saj të bashkëprindërimit të vajzës me ish-partnerin, Ledri Vulën.
“Si e menaxhon sfidën e bashkëprindërimit kur jetoni në qytete të ndryshme?” ishte pyetja që iu bë dhe Sara u përgjigj:
“Nuk është gjithmonë e lehtë, por me kohë mëson si ta bësh të funksionojë. Komunikimi dhe respekti janë gjithçka. Në fund të ditës, ajo që ka më shumë rëndësi është t’i bësh fëmijët të ndihen të dashur dhe të sigurt, pavarësisht distancës.”
Në fund të vitit 2023 u përfol se Sara Hoxha dhe Ledri Vula ishin ndarë nga njëri-tjetri. Vetëm më shtator të 2024-ës më pas, lajmet u konfirmuan pasi Ledri u pa në shoqërinë e një vajze tjetër. Që atëherë, dyshja kanë folur më gjerë për arsyet që çuan në vendimin e ndarjes dhe tanimë vazhdojnë bashkëprindërimin për vogëlushen e tyre.
