Një mega-projekt historik po vjen në Vlorë! Sinan Idrizi, kryeministri Edi Rama dhe presidenti i Real Madrid, Florentino Perez, kanë shtrënguar duart për hapjen e Akademisë së Real Madrid tek Flamurtari.
Projekti 20 milionë euro do të sjellë metodologjinë, trajningun, trajnerët e Valdebebas dhe filozofinë spanjolle për të krijuar një shkollë futbolli “galaktikos”, e financuar plotësisht nga presidenti i Flamurtarit.
“Kryeministri Rama më tha: po të sjell një klub botëror dhe historik, Real Madrid. Mendova se po bënte shaka, por ai më tregoi mesazhet me Florentino Perez. Së shpejti niset drejt Madridit për të firmosur kontratat.
Kam plane të mëdha për Flamurtarin dhe futbollin vlonjat. Duhet vetëm durim.”u shpreh presidenti i Flamurtarit Sinan Idrizi per Telesport.
Ndërkohë, investimet në infrastrukturë janë në zhvillim: Pylli i Sodës dhe rinovimi i stadiumit “Flamurtari” kanë përfunduar me stola të rinj, sistem LED, ndriçim modern, dhoma zhveshjeje dhe tribuna të reja.
