Çdo qershor që nga viti 2014, kërkimet në Google mbi pyetjen nëse mund të veshim fustane të bardhë kur na ftojmë në dasmë rriten mesatarisht me 46%. Por, Lana nuk i ka këto dilema.
Gjatë fundjavës, Lana Del Rey veshi një fustan të bardhë me rozë në dasmën e aktores Margaret Qualley dhe producentit muzikor të këngëtares, Jack Antonoff.
Siç e shihni, Lana u vesh me një fustan të bardhë me lidhje në qafë, me zbukurime me dantella, si edhe një triko sipër. Ajo e kombinoi fustanin me shapka me platformë dhe një çantë Prada Re-Edition 2005.
“Të dua Lana, por nuk mund të shkosh kështu e veshur në dasmë,” tha dikush. “Ajo nuk e vret trurin fare, e dua” shtoi një tjetër.
Lana Del Rey ka shfaqur prej kohësh qasjen e saj të veçantë ndaj modës. Në vitin 2020, bëri bujë kur bleu veshjen për Grammy në minutën e fundit në një qendër tregtare.
Në tapetin e kuq të Variety Hitmakers 2021 veshi një fustan 18 dollarë nga marka fast fashion, Shein.
Me fjalë të tjera, fustani në dasmë nuk tregon se ajo nuk i respekton miqtë, por thjesht nuk është dikush që i jep përparësi modës.
