Detaje nga aksioni i SPAK që ka zbuluar grupin kriminal që vrau Edmir Bregun, në 2021, për motive hakmarrjeje.
Me këtë operacion, SPAK ka zbardhur vrasjen e Edmir Bregut, miku i ngushtë i Edmond Çekiçit.
Si drejtues i grupit të strukturuar kriminal dhe si porositës i vrasjes për hakmarrje dyshohet të jetë Astrit Avdyli, në shenjë hakmarrjeje për tentativën për të vrarë nipin e tij, dhe Aldo Avdyli.
Drejtues dhe koordinator i grupit të strukturuar kriminal, dyshohet të jetë, Astrit Avdylaj, si ndihmës dyshohet të jetë shtetasi Enea Kume, vëllai i deputetit të PS Loer Kume.
Deputeti i Partisë Socialiste Loer Kume ka qenë sot live në një intervistë televizive kur në media u bë publik lajmi për arrestimin e vëllait të tij, Enea Kume i akuzuar për tjetërsim pronash tek Gjiri i Lalzit.
Loer Kume ka bërë të ditur se i vëllai është arrestuar mbrëmjen e djeshme dhe se për sa kohë nuk ka një vendim fajësie, ai do të konsiderohet i pafajshëm.
Ndër të tjera, deputeti i PS-së tha se në fund secili mban vetë përgjegjësi për jetën e vet dhe vendimet që merr. Loer Kume tregon se i vëllai merrej me drejtimin e një agjencie turistike së bashku me familjarë të tjerë.
Masat e sigurisë
1-Vullnet Muça, vëllai i Rrumit, Aleksandër Lahos (në pranga)
2-Enea Kume, vëllai i deputetit Loer Kume (në pranga)
3-Vlash Draçi (në pranga)
4-Astrit Avdylaj (në burg për operacionin “Revanshi”
5-Aleksandër Laho (në kërkim)
6- Aldo Avdylaj (në kërkim)
7-Edlira Avdylaj (ndalim i daljes jashtë shtetit)
8- E.D (në kërkim)
9- A.D (në kërkim)
