Ndikimi i rrjeteve sociale dhe influencerave
Në ditët e sotme, një trend i ri po shfaqet gjithnjë e më shumë tek vajzat e reja: kirurgjia estetike. Kjo rritje e papritur e interesit për ndërhyrjet estetike shkaktohet nga një kombinim i disa faktorëve, por një rol kyç luan influenca e rrjeteve sociale. Platformat si Instagram dhe TikTok kanë krijuar një ambient ku imazhi dhe pamja e jashtme janë në qendër të vëmendjes. Përdorimi i filtrave dhe editimi I fotove ka krijuar standarde të pavërteta të bukurisë, të cilat shpesh ndihen të detyruara të përputhen me këto standarde të rreme.
Përveç kësaj, influencerat shpesh promovojnë dhe reklamojnë ndërhyrje dhe trajtime estetike nëpërmjet postimeve të tyre. Kjo sjellje e tyre i shtyn vajzat e reja drejt procedurave si filleri, botoxi apo ndërhyrje të mirëfillta, duke i bërë ato të ndihen se është e nevojshme të përdorin këto metoda për të përmbushur standardet e impostuara të bukurisë.
Rreziqet e kryerjes së ndërhyrjeve estetike tek minorenët
Një nga aspektet më të diskutueshëm të këtij fenomeni është rreziku i lidhur me ndërhyrjet estetike tek të rejat. Përveç shqetësimeve të lidhura me integritetin fizik, ekzistojnë edhe pasojat psikologjike potenciale. Ndërhyrjet estetike, kur ato kryhen në një moshë të re, mund të shkaktojnë pasiguri të mëdha emocionale dhe mbingarkesë psikologjike, duke lënë një ndikim të thellë në zhvillimin dhe vetëdijen e tyre.
Përveç kësaj, një shqetësim i rëndësishëm janë edhe problemet shëndetësore që mund të shkaktohen si pasoje e kryerjes së ndërhyrjeve estetike te vajzat e reja që ende janë në fazën e zhvillimit. Sistemi skeletor, muskular dhe hormonal ende nuk janë të plotësisht të formuar në këtë grupmoshë, çka mund të rrisë rrezikun e komplikimeve të ndryshme shëndetësore. Kjo përfshin probleme si infeksionet, reaksionet alergjike ndaj materialeve të përdorura, dhe ndryshime të papritura të strukturës fizike që mund të kenë pasoja të gjata dhe të padukshme në shëndetin e përgjithshëm të pacientëve.
Klinikat që i ofrojnë këto shërbime
Në këtë kontekst, klinikat estetike janë bërë një pjesë e rëndësishme e diskutimit. Ndërsa disa ofrojnë shërbime me një standard të lartë profesional, ka një numër të konsiderueshëm klinikash që operojnë pa autorizime të duhura. Këto klinikat shpesh janë të përfshira në praktika të rrezikshme dhe mund të ofrojnë ndërhyrje estetike pa mbikëqyrjen e duhur mjekësore. Kjo situatë rrit rrezikun për shëndetin dhe sigurinë e përdoruesve, veçanërisht të vajzave të reja që mund të jenë më pak të ndërgjegjshme për këto rreziqe.
Cilat janë ndërhyrjet që vajzat minorene kerkojnë të kryejnë më shumë?
Në fund të fundit, është e rëndësishme të vëmë në pah se cilat janë ndërhyrjet më të kërkuara nga vajzat e reja minore. Përsa i përket kësaj, rrethana individuale mund të ndikojnë në preferencat e tyre. Megjithatë, ka disa ndërhyrje të zakonshme që dalin në dukje si preferenca më e zakonshme në këtë grup moshe, përfshirë rinoplastikën (operacionin e hundës), zmadhimin e gjoksit, rimodelimin e buzëve dhe mollëzave me acid hialuronik apo dhe liposuksioni.
Rinoplastika dhe otoplastika janë të vetmet ndërhyrje të cilat mund të kryhen tek minorenët. Për vajzat rinoplastika ose ndryshe operacioni i hundës mund të kryhet duke nisur nga mosha 16 vjeç, megjithatë është e nevojshme që minorenët të jenë nën shoqërimin e të dy prindërve gjatë gjithë procedurave.
