Një tjetër ngjarje e pazakontë ka tronditur ditën e djeshme shtëpinë më të famshme në Shqipëri.
Sara dhe Françeska thuajse kanë përfunduar në një përplasje fizike për shkak të debateve të tyre.
Gjithçka ka nisur nga Françeska, e cila i ka kërkuar Sarës që të rregullojë rrobat e saj, duke e quajtur zhulse.
Këtë ofendim të Françeskes, Sara e ka pritur shumë keq dhe i është kthyer me të njëjtën monedhë, duke e ofenduar.
Ajo që ka kulmuar debatet e tyre ka qenë momenti kur Françeska ka qenë në tualet dhe Sara i ka shkuar pas derës, duke dashur të futet me zor, në mënyrë që të dyja të përfundonin në tualet dhe në këtë mënyrë do të shkonin kokë më kokë në nominim.
Françeska në momentin që ka dalë e ka shtyrë me forcë, duke bërë kështu që të debatojnë me tone të larta, duke mos u ndalur me ofendimet e tyre.
Të gjithë banorët janë tronditur nga kjo ngjarje e pazakontë, të cilët një pjesë është munduar të qetësojë Françeskën ndërsa pjesa tjetër të qetësojë Sarën.
Një zarf i zi ka mbërritur në shtëpi, sipas së cilit, Vëllai i Madh ka deklaruar se nuk i toleron më aspak banorët. Sipas zarfit, është anuluar televotimi dhe njoftimi për banorët do të jepet të martën.
“Banorë Big Brother nuk ju paralajmëron më. Televotimi anulohet. Flasim të martën.”
