Pandemia ka rezultuar në një ulje të të ardhurave prej shtatë miliardë eurosh për klubet evropiane të futbollit në sezonet 2019/20 dhe 2020/21 (nga të cilat 4.4 miliardë për shkak të mos arkëtimeve nga shitja e biletave) dhe një rënie të mprehtë të të ardhurave ne merkato.
Megjithatë, sektori ka treguar një qëndrueshmëri të konsiderueshme dhe interesi i tifozëve dhe investitorëve mbetet në nivele rekord, aq sa ka shpresa për një rikuperim të shpejtë. Kjo është ajo që del, me pak fjalë, nga edicioni i trembëdhjetë i Raportit të UEFA-s mbi analizën krahasuese të licencave të klubeve.
Në një prapaskene të të ardhurave në rënie, pagat e përgjithshme të lojtarëve në klubet më prestigjioze janë rritur në fakt me një mesatare prej 2% në vit dhe parashikohet të arrijnë në 11.9 miliardë në vitin fiskal 2021.
Në përgjithësi, 91% e të ardhurave të klubit përthithen nga pagat e lojtarëve (56%), kostot neto të transfertave të lojtarëve (18%) ose paga të tjera, pra ato të stafit teknik dhe administrativ (17% e të ardhurat).
Kjo është, sipas raportit, një rritje “mbresëlënëse” e pagave dhe kostove të transfertave. Përveç humbjeve operative, të ardhurat nga transferta ranë me më shumë se 40% për shkak të aktivitetit më të ulët dhe rënies së çmimeve, nga 21% e të ardhurave para pandemisë në 11%.
Ligat që eksportojnë talent dhe varen nga fitimet e transfertave për të balancuar librat e tyre janë goditur veçanërisht rëndë.
Ndërkohë, kostot e transfertave vazhduan të rriten: shpenzimet neto të transfertave të klubeve që paraqitën raportet e hershme për vitin 2021 arritën në 1.1 miliardë dollarë, por kostot kontabël neto të transfertave arritën në pothuajse 2.3 miliardë dollarë.
