Tema e gjinisë ka qenë kryefjala e këtyre ditëve në vendin tonë dhe i ftuar për të folur lidhur me këtë në emisionin “Opinion” me Blendi Fevziun ka qenë Elton Ilirjani. Ilirjani ka marrë vëmendje mediatike për deklarata lidhur me orientimin e tij seksual dhe rrëfime personale që lidhin jetën e tij me padrejtësi sociale, paragjykime dhe sfida për komunitetin LGBT.
Ilirjani i qëndron mendimit se ka vetëm dy: mashkull dhe femër. Ai shprehet se është mashkull dhe se çështja e gjinisë është kthyer në një çështje politike dhe lufta më e madhe e komunitetit LGBT ka qenë që të pranohen si të barabartë për të drejtat. Ilirjani ka treguar se të ndryshuarit e seksit kushton 3 milionë dollarë, të cilat i financon shteti i New York-ut.
Elton Ilirjani: Kjo është ekstremi i majtë që ka edhe pak nuanca korruptive në mes se këtu nuk është politika, por është edhe ana financare.
Unë do t’ju them vetëm një shembull. Të ndryshuarit e seksit në Shtetet e Bashkuara kushton mesatarisht 3 milionë dollarë. I paguan shteti i New Work-ut me taksat e taksapaguesve për të ndryshuar gjininë. Janë programe specifike të cilat ndihmojnë personat që duan.
Blendi Fevziu: Pse duhet ta bëjnë këtë?
Elton Ilirjani: Këtu lind edhe pyetja që kanë konservatorët. Kjo vjen sepse është e majta ekstreme, së bashku me interesa të forta financiare.
