Shtëpia ku Ennio Morricone jetoi për dekada dhe ku kompozoi muzikë të paharrueshme filmash, është në shitje nga shtëpia e ankandeve Christie’s. Një shtëpi ëndrrash, në rrugën dell’Ara Coeli në Romë, dy hapa nga Campidoglio, të cilën mjeshtri e la vetëm vitet e fundit për ta transferuar në EUR
Shtëpia është në shitje me një çmim fillestar prej 12 milionë euro. “Christie’s International Real Estate Roma Exclusive ofron për shitje në një nga pikat më panoramike të qendrës historike të Romës, pak hapa nga Piazza Venezia dhe Campidoglio, apartament me dy kate të një lloji unik prej 1000 metrash katrorë”, thuhet në njoftimin e shtëpisë së ankandeve në Londër.
Përveç tarracave të banueshme, të vendosura brenda pallati historik Muti Bussi të projektuar në 1585 nga arkitekti Giacomo Della Porta, një nga skulptorët më të rëndësishëm dhe eksponenti më i madh i barokut italian që kontribuoi në krijimin e monumenteve më të mëdhenj.
“Prona e zbukuruar me skulptura dhe artefakte të shumta nga Roma e lashtë, serviret nga një portier 24-orësh, me një ashensor modern deri në dysheme dhe ka një oborr me dy hapësira parkimi të përshtatshme në lidhje me pronën në shitje”, thuhet në njoftim.
Apartamenti, i cili shtrihet në dy kate, konkretisht në atë të tretë dhe të katërt të pallatit, është i pajisur me hyrje të trefishta. Në katin e poshtëm gjejmë sallonin e madh, të karakterizuar nga tavanet e dekoruar imët, 5 metra të lartë dhe nga katër dritare të mëdha nga të cilat mund të shijoni një pamje të mrekullueshme të Altare della Patria.
Prej këtu hyn në studion e madhe, të pajisur me trei dritare të mëdha në qoshe, që shohin nga Campidoglio. Duke vazhduar gjejmë një sallon të dytë të madh me dhomë ngrënie ngjitur, kuzhinë të madhe, 4 dhoma gjumi, 4 tualete. Në katin e sipërm, i karakterizuar nga trarët e shkëlqyer të ekspozuar prej druri që datojnë në kohën e ndërtimit të pronës dhe në gjendje perfekte, ka katër sallone, tre prej të cilave me oxhak dhe me akses të drejtpërdrejtë në tarracë të nivelit të banueshme, nga e cila gëzon një panoramë të mrekullueshme. Dhe nga të cilat mund të hyni në dy tarraca të tjera në një kat të sipërm, njëra prej të cilave është e banueshme dhe që mund të mburret me një pamje mahnitëse 360 gradë mbi çatitë e Romës. Duke vazhduar brenda, gjejmë një kuzhinë, 5 dhoma gjumi me dollapë komodë, 4 tualete, ambient shërbimi, me dhomë gjumi dhe tualet.
Në total apartamenti ka 15 dhoma gjumi, 8 tualete të kompletuara. Dhe mbi të gjitha një aurë të kulturës së paarritshme dhe kushdo që e blen do ta bëjë të vetën edhe një pjesë të historisë muzikore.
