Prindërit e trajnerit të Kombëtares Shpresa, Alban Bushi, kanë humbur jetën në një aksident.
Nga aksidenti raportohet se shtetasit Ali dhe Bukurie Bushi kanë humbur jetën në vend.
Ngjarja e rëndë ka ndodhur në rrugën “Egnatia”, në aksin Veria-Selanik, pranë Kouloura Imathias.
Fugoni me targa PMX-8942 i drejtuar nga 47-vjeçari grek Marios Simitliotis është përplasur me automjetin tip “Mercedes-Benz” me targa shqiptare AB 454 GF, që drejtohej nga 75-vjeçari shqiptar Ali Bushi.
Si pasojë e përplasjes kanë humbur jetën 75-vjeçari Ali Bushi dhe pasagjerja 71-vjeçare Bukurije Bushi.
I plagosur lehtë ka mbetur edhe shtetasi grek, i cili është arrestuar nga policia.
Alban Bushi është ish-sulmuesi i Kombëtares shqiptare, i cili ka shënuar 14 gola me skuadrën kuqezi.
Ai tashmë është trajneri i Kombëtares U-21 që nga viti 2016, i cili i ka drejtuar Shpresat në 58 takime.
