Elvana ka hapur një kapitull të ri, në kuptimin e parë të fjalës. “Trilogjia”, albumi i ri i këngëtares nis me 11 këngë, të quajtura Kapitulli 1 – “Grada”, dhe nëse po ndiheshe gati për një album vere klasik, më mirë harroje.
Po, ka këngë që të ngrejnë nga karrigia, por janë të njëjtat që të bëjnë të ulesh e t’i mendosh mirë zgjedhjet jetësore. Dëgjon një beat, mendon se po vjen një hit klubi – dhe pastaj boom, vjen teksti që s’të lë rehat. Elvana po e përdor verën për të tundur jo thjesht skenën, por edhe emocionet e tua më të thella.
Kjo është vetëm pjesa e parë. Mbeten edhe 22 këngë të tjera për të na çuar drejt një fundi që askush s’e di ende. Por një gjë është e qartë: ky s’do jetë albumi që e dëgjon një herë rastësisht në sfond, e s’kujtohesh t’i rikthehesh dhe mijëra hera të tjera.
Për shembull, për një xhiro natën me gocat në Bllok, dëgjo “Ani Ani”:
Nëse bën pjesë tek ata njerëz që kanë nostalgji për “Elvanën e vjetër”, do e adhurosh “Shenjë”:
“Sicko” kur të të bjerë keq në kokë për atë bukuroshin misterioz andej nga Dhërmiu:
Për “Mos harro”, vetëm një gjë po të themi: shumë po e cilësojnë si këngën më të mirë të albumit!
Tani një këngë dashurie, se kush do i thoshte jo një të tille:
Dhe juve që po ju përmende dashurinë, ju prek në plagë, ju sugjerojmë “Ti”:
