Vrasja e trefishtë e grave ditën e djeshme në Tiranë që tronditi mbarë opinionin publik ka sjellë reagimin dhe indinjatën e shumë njerëzve, por 46-vjeçari Edmond Hoxha në Fier, ka dalë i vetëm të protestojë.
I vetëm dhe me një pankartë në dorë , babai i një djali 20 vjeçar ka dalë në qendër të Fierit në forme proteste për këtë krim makabër.
“Ku është burrëria kur ti vret një vajzë, motër, nënë?”, shkruhet në pankartë ndërsa me lot në sy Edmondi tregon se vrasjet e grave janë jo vetëm dështim i shoqërisë, por dhe i një sërë mekanizmave që nuk kanë funksionuar në shtet.
