Deputeti i Foltores, Saimir Korreshi ka vendosur të marrë pjesë në një spektakël kërcimi.
Ligjvënësi demokrat u shfaq i transformuar si “mbretin e xhunglës”, në skenë, ndërsa në fytyrë i ishte vizatuar luani.
“Unë mezi shita leprin, kalova tek luani. Kështu që të bëj shenjën e luanit, po e ngatërroj me maçok ndaj më mirë po e lë”, u shpreh Korreshi.
Në fakt, Foltorja sot ka nevojë për një luan, se Doktori nuk është më ai i pari.
Ndërkohë deputetin opozitar nuk e shpëtuan dot as votat e publikut dhe as hudhra në xhep “për syrin e keq”, pas pikëve të ulëta që i dha juria për performancën e tij në natën e filmit në “Dancing With The Stars”, duke sjellë eleminimin e tij.
“Pardje më përzunë nga Parlamenti sonte nga “Dancing With The Stars”, tha ai.
