Në debatin e zhvilluar me Einxhel mbrëmjen e djeshme, Donaldi i përmendi moderatores një rrahje nëpër rrugë.
Aktori i referohej me sa duket përplasjes fizike VIP që tronditi” botën e showbizz-it shqiptar, me protagoniste tri vajza të njohura, që dikur shoqëroheshin në festa e udhëtime njësoj si te “Sex and the city”.
Është fjala për konfrontimin fizik të dy modeleve Kejvina Kthella dhe Oriola Marashi me moderatoren Einxhel Shkira.
Sherri nisi pas disa batutave që Einxhel bëri për Kejvinën, pasi kjo e fundit kishte fituar çmimin e javës te “Dance with me”, ku kërcente çift me politikanin Eduart Ndocaj.
Ishin modelet Marashi dhe Kthella, ato që shkuan në orët e mbrëmjes poshtë shtëpisë së moderatores në zonën e Liqenit të Thatë në Tiranë për t’u sqaruar, por debati degjeneroi në dhunë fizike.
Burime nga media të ndryshme asokohe bënë me dije se Einxheli është parë në rrugë nga patrulla e Policisë, duke vendosur që të bëjë edhe denoncimin, e shoqëruar nga vëllai i saj.
