11.5 C
Tirana
E shtunë, 24 Shkurt, 2024
More
    spot_img
    spot_img

    Po vjen TV Policia, një media më shumë për propagandën e qeverisë

    Në vitin e dhjetë të pushtetit, Rilindja konstaton ende mangësi me sektorin e propagandës. Duket se nuk i mjaftojnë mediat kryesore të kapura nga qeveria dhe as ERTV-ja e kryeministrit.

    Vitin tjetër do të shpenzohen para publike për krijimin e Tv Policia. Taulant Ballës i duhet një frëngji tjetër për të trumbetuar arritjet e Policisë së Shtetit, e cila me zbardhjen e bisedave të enkriptuara në aplikacionet “Sky” dhe “Encro Chat”, në masë të madhe të saj del e lidhur kokë e këmbë me krimin e organizuar.

    Gazeta ka parë një dokument konfidencial të Ministrisë së Brendshme, që argumenton nevojën për hapjen e Televizionit Policia.

    “Nisur nga dinamika e ngjarjeve dhe zhvillimeve në Policinë e Shtetit, si dhe për përmbushjen e pritshmërive të publikut e objektivave të Policisë, është e domosdoshme riorganizimi dhe shtimi i personelit në Sektorin e Komunikimit me Median dhe Publikun, dukë e shndërruar këtë sektor në një redaksi të mirëfilltë ku të funksionojë si “Policia TV”, thuhet në dokument.

    TV Policia, sipas po të njëjtit dokument, thuhet se do të ketë 9 punonjës ndërsa drejtuesi i televizionit duhet të mbajë gradën “Drejtues”.

    Nuk është e qartë ende se sa do të jetë kosto shtesë në buxhet për këtë media të re që do të propagandojë arritjet e Policisë së Shtetit. Paratë janë parashikuar në buxhetin e vitit 2024.

    Me siguri që investimi në propagandë, sado i sofistikuar të jetë, nuk ka për të prodhuar asnjë efekt afatgjatë në terma të perceptimit apo imazhit te njerëzit, për aq kohë sa mungon vullneti në nivel politik për të prerë fijet që lidhin krimin me Policinë e Shtetit. Kurrë s’e ka Edi Rama këtë vullnet, është naivitet të mendojmë se mund ta ketë Taulant Balla.

    spot_imgspot_img

    Lajmet e fundit