Rubrikave të “E diell” do t’i shtohet edhe një program i ri, i cili do të ketë qëllim zbulimin e tradhtive.
“1 herë MAT” do të drejtohet nga gazetari Ervin Kurti, i cili njoftoi se do të bashkëpunojë me Shkenda Lilin, e cila ka një profil si detektive private.
“’1 herë MAT’, një program për investigimin e tradhtive. Së shpejti në ‘E diell’ në Top Channel,” njoftoi Kurti në Instagram.
Për momentin, dihen shumë pak detaje, por mund të jetë një program i ngjashëm me formate të tjera të këtij lloji, si për shembull “Cheaters”, një program televiziv me në qendër çifte ku njëri prej partnerëve tradhton ose ka dyshime për tradhti. Ekipi i “Cheaters” bën gjithçka për të siguruar prova për tradhtinë e dyshuar.