Një aksident me vdekje mbrëmjen e kësaj të mërkure në Fier, në vendin e quajtur “Kryqëzimi i Grecallisë”.
Policia njoftin një këmbësor 50-vjeçar u godit nga një fuoristradë që drejtohej nga një 20-vjeccar.
50-vjeçar u transportua drejt spitalit rajonal të Fierit, ku dhe ndërroi jetë pak kohë më pas.
“Rreth orës 21:30, në vendin e quajtur “Kryqëzimi i Grecallisë”, Fier, shtetasi B. H., 20 vjeç, duke drejtuar një automjet tip “Range Rover”, ka aksidentuar këmbësorin, shtetasin D. Gj., rreth 50 vjeç.
Si pasojë e aksidentit, ka ndërruar jetë në spital shtetasi D. Gj. Drejtuesi i automjetit, shtetasi B. H., është shoqëruar në Komisariat nga shërbimet e Policisë, për veprime të mëtejshme“, tha policia e Fierit.
Tashmë është bërë një problem shqetësues nëpër rrugët e Shqipërisë, ku të rinj me makina super luksoze, të blera nga babi apo nga veprimtari kriminale, shkaktojnë aksidente të tilla.
