Marrja e një oferte pune mund të duket si momenti që ke pritur prej kohësh, por para se të thuash “po”, duhet të bësh disa pyetje të rëndësishme. Për t’u siguruar që po bën zgjedhjen e duhur, duhet të analizosh më thellë sesa paga dhe përfitimet. Ja cilat janë 7 pyetjet që mund të të ndihmojnë të bësh zgjedhjen e duhur:
1. A përputhet me vlerat dhe qëllimet e mia personale?
Të punosh për një kompani me të cilën ndihesh në harmoni është jetike për mirëqenien dhe motivimin tënd. Pyet veten nëse qëllimet dhe misioni i kompanisë janë në të njëjtën linjë me ty.
2. Si është balanca punë-jetë në këtë rol?
Shumica prej nesh e di se nuk mund të mbijetojmë gjatë në një punë që kërkon 24/7 vëmendje. Para se të pranosh ofertën, sigurohu që do të kesh kohë për gjërat që të bëjnë të lumtur jashtë punës.
3. A ofron hapësirë për zhvillim profesional?
Nëse puna ofron mundësi për të përparuar, për të mësuar gjëra të reja, apo për të rritur rolin tënd në kompani, atëherë ka më shumë shanse të ndihesh i përmbushur për një kohë të gjatë.
4. A është paga e drejtë për tregun aktual?
Paga është e rëndësishme, por është gjithashtu thelbësore të dish nëse është në përputhje me atë që ofron tregu. Bëj një kërkim për të krahasuar rrogat në pozicione të ngjashme.
5. Si është kultura e punës dhe menaxhimi i brendshëm?
Njerëzit që të rrethojnë në punë do të ndikojnë shumë në përvojën tënde. Mëso më shumë për stilin e menaxhimit dhe atmosferën që mbizotëron në kompani.
6. A do të më ndihmojë kjo punë në arritjen e objektivave afatgjatë?
Mendohu nëse kjo punë të afron më shumë drejt qëllimeve që ke për të ardhmen tënde, qofshin këto profesionale apo personale.
7. A më ofron qëndrueshmëri dhe siguri?
Nuk ka kuptim të kesh një punë të paguar mirë nëse nesër mund të mbetesh pa të. Sigurohu që kompania është e qëndrueshme dhe ka të ardhme.
Në fund të ditës, pranimi i një oferte pune është një vendim i rëndësishëm që duhet të merret me kujdes. Përgjigjju këtyre pyetjeve dhe shiko përtej shifrave që ofrohen në kontratë!
