Një student arti i Koresë së Jugut hëngri një banane që ishte pjesë e instalacionit të njohur të artistit italian Maurizio Cattelan sepse ishte “i uritur”.
Noh Huyn-soo u filmua duke hequr bananen, e cila ishte ngjitur në një mur në Muzeun e Artit Leeum në Seul, duke e hequr atë dhe duke e ngrënë para shikuesve të habitur përpara se ta ringjiste lëkurën e bananes në mur. Ai më pas u largua i buzëqeshur.
Kur muzeu e pyeti se pse e hëngri bananen, ai u përgjigj se ishte i uritur pasi kishte dalë nga shtëpia pa ngrënë mëngjes. Më vonë, tha për mediat lokale se edhe “dëmtimi i një vepre të artit modern mund të interpretohet si vepër arti.” “Mendova se do të ishte interesante … a nuk është ngjitur atje për t’u ngrënë?” tha ai.
Banania, pjesë e instalacionit “Komedian” të Cattelan, zëvendësohet çdo dy ose tre ditë. Thuhet se Cattelan u informua për incidentin dhe thjesht u përgjigj: “Nuk ka problem”.
Në vitin 2019, banania e famshme u komentua në gjithë botën. “Për mua, ‘Komedian’ nuk ishte shaka; ishte një koment i sinqertë dhe një reflektim për atë që vlerësojmë,” u shpreh ai. “Në panairet e artit mbretëron shpejtësia dhe biznesi, ndaj e pashë kështu: nëse më duhej të isha në një panair, mund të shes një banane siç shesin të tjerët pikturat e tyre. Mund të luaja brenda sistemit, por me rregullat e mia.”
Në dhjetor 2021, artisti u rikthye në Art Basel (panair ndërkombëtar i artit) me një tufë me pëllumba jo të gjallë. Një pjesë titullohej “Fantazma” dhe kushtonte 350,000 dollarë. Grupi tjetër i zogjve kushtonte 210,000 dollarë.
“Unë i titullova ‘Fantazma’ ndoshta vetëm sepse duket se po na mbikëqyrin dhe ne kurrë nuk e dimë nëse janë miq apo armiq,” tha ai asokohe
Në vitin 2016, artisti vendosi një tualet prej ari 18 karat në muzeun e New York-ut. Krijimi i tij mbante një titull provokues – “Amerika”.
