Pas shumë aludimeve, duket se Efi Dhedhes ka rregulluar raportet me Top Channel dhe së shpejti do e shohim në ekran.
Ndonëse ajo ka shprehur dëshirën për të moderuar një program humori, drejtuesit e televizionit kanë menduar diçka tjetër.
Në fakt, diçka që ajo e njeh shumë mirë.
Ditën e sotme media të ndryshme aluduan se Efi do jetë moderatore e “Big Brother VIP Fan Club”.
Formati nis në janar, e bashkë me të edhe “Fan Club” ku diskutohen çdo javë dinamika me të ftuar të ndryshëm.
Edhe Efi ka ripostuar në Instagram lajmin me një emoji duke u menduar pa dhënë një përgjigje konkrete.
Më herët ky format është moderuar nga Dojna Mema në edicionin e parë të BBVIP 1 dhe Megi Pojani në BBVIP 2.
