Emisioni “Report” në Rai3 program që prej një jave ka nxitur reagime të forta në politikën shqiptare, por edhe në Itali, në puntatën e së dielës nuk ka dhënë pjesën e dytë të investigimit për Shqipërinë, investigim të cilin e pati paralajmëruar pothuajse çdo ditë.
Madje, edhe gjatë ditës së djeshme, Sigfrido Ranucci, autori i emisionit “Report” në Rai3, pati paralajmëruar publikimin e pjesës së dytë me të tjera investigime. Por më pas gjatë emisionit, pjesa e dytë e reportazhit nuk u dha. Madje nuk pati as edhe një shpjegim se pse pjesa e investigimit për Shqipërinë u anulua.
Aq më tepër, që Sigfrido Ranucci komentoi dje në Facebook, edhe qëndrimin e kryeministres italiane Giorgia Meloni, e cila i doli në mbrojtje të homologut shqiptar, Edi Rama, duke deklaruar se ky i fundit është sulmuar vetëm sepse ndihmoi Italinë me emigrantët.
Ndërkohë, në mënyrë informale, Ranucci në disa replika në Facebook pse, justifikohet se emisioni anuloi pjesën e dytë të investigimit pasi po negocionojnë t’i marrin një intervistë kryeministrit Edi Rama.
Për këtë ngjarja ka reaguar edhe gazetari Enton Abilekaj, që thekson se një incident i tillë nuk ka ndodhur kaq hapur as në televizionet shqiptare.
“Autori i emisionit investigativ Report ne Rai 3, Sigfrido Ranucci, lajmeroi gjithe javen qe sot do te ishte pjesa e dyte e reportazhit per Shqiperine. Qe do te thoshte se reportazhi ishte gati, te dielen e shkuar u transmetua pjesa e pare dhe sot do te ishte pjesa e dyte.
Sot, pa asnje shpjegim, Rai 3 nuk e transmetoi pjesen e dyte. Ranucci u pergjigjej shikuesve te zhgenjyer ne FB se po rakordojne nje interviste me Kryeministrin Rama, per te justifikuar mungesen uleritese te reportazhit per Shqiperine.
Nuk dihen arsyet e verteta, deri tani mund te thuhet me siguri vetem qe Rama ia arriti qellimit. Se si ka ndodhur e kane per detyre gazetaret italiane, qe u bene protagoniste per nje jave ne Shqiperi, ta sqarojne me te njejtin pasion qe shijuan efektin e pjeses se pare. Ka ndodhur kjo edhe me media te tjera te huaja per te cilat kryeministri eshte kujdesur qe te heshtin, por nje incident i tille nuk ka ndodhur kaq hapur as ne Tv shqiptare”, shkruan Abilekaj në rrjetet sociale.
