Fatmir Mediu, thotë se ka takuar psikologun me famë botërore Jordan Peterson.
“Në mëngjesin e lutjeve sot në DC me miq nga Ballkani. Kënaqësi e vecantë të takoja psikologun me famë botërore Jordan Peterson, autor i disa librave”, shkruan ai.
Mediu dhe grupi i tij u përjashtuan nga “Mëngjesi i Lutjeve” dhe e ndoqën atë online nga hotel “Hilton”.
Por ai, duke iu përgjigjur në mënyrë indirekte këtij lajmi, thotë se prej 70 vitesh, “Mëngjesi i Lutjeve” bëhet në hotel Hilton.
“Në mëngjes e lutjeve, i cili zhvillohet në Washington Hilton Hotel që prej 70 vitesh, morën pjesë 130 vënde nga gjithë bota. Në këtë takim mori pjesë dhe delegacioni i parlamentin shqiptar”, shkruan ai.
Vetëm se këtë radhë i shkoi dëm udhëtimi.
Se siç tregon edhe vetë, ka shkuar deri në Uashington për të bërë foto me një psikolog.
Edhe pse në fakt, i duhet, se me gjyqin dhe burgosjen e mundshme për Gërdecin, ka nevojë vërtet për një psikolog, që të qendrojë i fortë psikologjikisht.