Ikja nga mendorja/ ARRESTONI ZËDHËNËSIN E ILIR METËS!

Ne paguajmë 40 mijë lekë çdo ditë me taksat tona rrogën e Tedi Blushit, një ish student ngelës dhe gazetar mediokër i cili ka 5 vjet që nuk shërben si drejtor komunikimi dhe zëdhënës i Presidentit të Republikës por mbetet një bashkautor në krim me Ilir Metën.Sa herë shfaqet publikisht Presidenti Shqiptar duke puthur mace dhe qen rrugëve aq herë duhet bërë fajtor edhe zëdhënësi. Sa herë përlyet me vaj kikiriku duke ngrënë petulla publikisht Presidenti ynë, aq herë duhet paralajmëruar zëdhënësi. Sa herë ulëret e kërcënon në intervista dhe konferenca shtypi Presidenti, aq herë duhet ndëshkuar zëdhënësi i tij. Kemi 5 vjet e në fillim i morrëm si ironi shpërthimet e çekuilibruara të Presidentit por më pas e kuptuam që videot, fotot dhe performancat e tij publike janë zgjatim i një personaliteti bipolar dhe një psikopatie rënduese e për këtë fajtor mbeten këshilltarët dhe veçanërisht zëdhënësi, drejtori i komunikimit Tedi Blushi i cili nuk nxitoi t’ia dorëzonte Ilir Metën doktor Petrelës te oborri i Spitalit 5 por lejoi që “ikja mendore e Presidentit” të bëhet kaq transparente dhe publike. Cënimi dhe dëmtimi i imazhit të burrit të shtetit përbën vepër penale ndaj mos kurseni prangat për zëdhënësin provincial Tedi Blushi i ardhur në Tiranë më vonë se Mustafa Nano dhe Ylli Manjani. E mirëkuptojmë Tedi Blushin se nuk e njeh as doktor Mentor Petrelën, se nuk e di as ku bie Spitali 5 por të paktën ta këshillonte Ilir Metën të mos shfaqet me të njëjtat brekë banje të kuqe në çdo videoklip. Presidenti Ilir Meta 5 vitet e fundit ka paguar 380 mijë euro për avokati djallëzore mediatike gazetarët Andi Bushati, Andi Bejtja dhe Armand Shkullaku e nuk ka sens pse kursen lekët për veten e tij të blejë një palë brekë të tjera plazhi.Zëdhënës të ri për Ilirin, brekë të reja për Metën!