Me tone të ashpra i janë drejtuar njëri-tjetrit Ilir Babaramo dhe Plarent Ndreca, teksa debatonin në studion e Top Story për paraqitjen e Erion Veliajt në SPAK.
Babaramo i ka kërkuar Ndrecës që të mos e ndërpresë dhe të mos bëjë zhurmuesin, teksa ky i fundit i ka thënë se ka ardhur të bëjë debat dhe jo zhurmë.
Babaramo: Kokorroçin mos e bëj me mua.
Ndreca: Unë se kuptoj çfarë është ky kokorroçi?
Babaramo: Mos më ndërhy.
Ndreca: Mos ma trash mua zërin.
Babaramo: Nëse ke ardhur të bësh zhurmuesin këtu…
Ndreca: Unë kam ardhur për të bërë debat.
Në debat u përfshi dhe Artur Zheji.
Plarent Ndreca: Kam cilësi sepse jam votuar nga 4200 qytetarë të republikës së Shqipërisë, ndërkohë që asnjëri prej jush përveç Ilirit nuk është votuar. Kjo është një cilësi e veçantë. Jam duke folur me gazetarë jo me politikanë. Ja ku e ke Ilirin, unë nuk i thashë Ilirit që kam cilësi të ndryshme nga ty, edhe fakti që kam cilësi të ndryshme nuk më bën më të mirë.
Zheji: Na lër radhë. Nuk je ti superior. Çfarë domethënë se ti ke marrë 5 mijë vota? Unë dhe Babaramo me Gridën spostojmë opinionin tonë 50 mijë vota. Ore 5 mijë vota nuk i kemi asgjë fare.
Ndreca: Kjo është çmenduri dhe tregues i gazetarizmit, ai po bën gjyqin e fjalëve që unë po them. Unë nuk thashë që as jam më i mirë, nuk thashë se kam ndonjë superioritet, nuk thashë që jam ndryshe, por kam një cilësi ndryshe sepse jam i votuar.
Grida: Pse të bën ndryshe kjo?
Ndreca: Do të thotë që qytetarët të kanë votuar, të kanë dhënë të drejtën për të ushtruar pushtet, nuk ia kanë dhënë gazetarit. Ma ka dhënë mua dhe kolegëve të mi.
Grida: Kurse gazetari e ka pushtetin të të kërkojë llogari ty.
Ndreca: E ka marrë nga pronari. O Grida jeni bërë korporatë mediatike, jeni kthyer në korporatë dhe më jeni turrur mua. Më lini të flas.
