Gazetarja Sonila Meço ka humbur njeriun e shtrenjtë, babain e saj. Lajmin e trishtë e ka ndarë edhe vetë gazetarja, me anë të një postimi në rrjetin e saj social Instagram, ku bënte me dije humbjen e tij.
Ndërkohë që së fundmi ajo ka bërë një tjetër postim, ku ndan dhimbjen e madhe me ndjekësit e saj dhe falënderon të gjithë ata që i kanë qëndruar afër në këtë momente të vështira, qoftë edhe me anë të mesazheve.
“Dhembka fort shuarja e babit dhe lamtumira e fundit të pikoka acid në stomak. Ju jam mirënjohëse me shpirt për çdo ngushëllim e fjalë zemre për Gjyshi Tomin e shtrenjtë, që sot e përcollëm në banesën e fundit teksa shpirti i ka nisur fluturimin e paqtë.
Por ditën e mërkurë dhe të enjten nga ora 9:00-13:00 dhe 16:00 20:00 presim te Memorial Home ‘IJA’ vizitat e miqve për të kujtuar e nderuar mes nesh histori e copëza jete të një burri fisnik”, shkruan gazetarja në postimin e saj në rrjetin social Instagram.
