Ka “BBVA 3” brenda, por ka edhe “Big Brother” jashtë. Si zakonisht, debatet dhe dramat e spektaklit e kanë magnitudën edhe jashtë, ndaj thumbin e radhës e ka bërë Mario, vëllai i Julian Dedës, pas postimit të Donaldit.
Moderatori i “Më lër të flas” publikoi një foto në Instastory, ku në sfond duket një parket dhe shkroi: “Apapa, nuk na del komunizmi nga gjaku. Letrat anonime vazhdojnë të nxjerrin “trima” edhe sot”.
Ndëkrohë, Mario, postoi një foto me të njëjtin sfond, pra, një parket dhe shkroi: “Foli edhe parketi”.
Thumbat e tyre vijnë pas përplasjes së Romeos dhe Julianit brenda shtëpisë, mbi pyetjet anonime që banorët i bënë njëri-tjetrit.
Disa nga pyetjet ishin ofenduese dhe Romeo kërkoi që të kishte transparencë dhe të merrej vesh se kush e kishte bërë secilën pyetje. Juliani nuk pranoi të bëhej diçka e tillë, për shkak se loja është e tillë: anonime dhe përderisa ai shtroi pyetjet dhe mori përgjigjet, nuk kishte më interes që të dinte se kush kishte drejtuar pyetjet që fyenin të tjerët.