Përpos Kiarës, duket se Luizin tani e tutje do ta shoqërojë edhe një grua tjetër nëpër koncertet e tij. Dhe bëhet fjalë për as më pak e as më shumë se nënën e tij.
Kjo e fundit, mbrëmjen e djeshme e ka ndjekur për herë të parë nga afër djalin e saj, duke performuar në një nga klubet e kryeqytetit.
Në një fjalim të shkurtër para publikut, Luizi u shpreh se ndihej tepër i emocionuar dhe shkak për këtë ishte pikërisht nëna e tij.
“Mirëmbrëma. Sonte është hera e parë që kam emocione, pasi për herë të parë kam sjell nënën me duart e mia, në këtë koncert,” shprehet Luizi.