Faqja jonë është e para që zbulon sot ptojektin interesant nga studio arkitekturore AgiKos e cila ka fituar projektin e shpallur nga Fondi Shqiptar i Zhvillimit për rivlerësim dhe konceptimi të Resortit Natyror të Banjave të Bënjës në Përmet.
Zbatimi i projektit konsiston në sistemimin e zonës së parkimit të automjeteve, korsive të biçikletave, tre ballkoneve përgjatë kanioneve ku mind të soditet natyra, ngritjen e sportelit hyrës, banjave publike, qendrës shëndetësore dhe sigurimin e bordurave të vaskave me ujërat termale.
Çdo ndërhyrje do jetë me dru dhe me materiale të zonës duke ruajtur vlerat natyrore dhe historike të zonës.
Punimet priten të fillojnë pas aprovimit të projektit dhe do zbatohen nga kompania e njohur e ndërtimit “Fusha sh.p.k”.
Shijoni fotot dhe urojmë sa më parë transformimin e zonës tonë turistike.
