Xum Allushi ka qenë banori i radhës, i cili është eleminuar nga gara për të fituar çmimin e madh të “Big Brother VIP Albania”. Ai doli në televotim kokë më kokë me Eglin pas vendimit të kësaj të fundit në favorin që mori nga hapja e Kutisë së Pandorës.
E gjithë java ka qenë mjaft e tensionuar brenda në shtëpi për shkak të këtij televotimi ku banorët u ndanë në kampe pro dhe kundër Eglit.
Vendimi i shpall në studio ku të pranishëm ishin dhe dy banorët ndërsa rikthimi i Eglit në shtëpi u prit me puthje e festime. Gjatë darkës së shtruar për banorët e shoqëruar me muzikë, Egli dhe Gjesti kanq qëndruar më pranë se ndonjëherë me njëri-tjetrin, madje në një moment ata ishin gati dhe për të shëmbyer një puthje në buzë.
Kujtojmë që Xumi ka shprehur pëlqimin për Eglin që në ditët e para të këtij edicioni, fakt ky dhe veprime nga ana e tij që e kanë bërë këngëtaren të ndihet shpesh herë e bezdisur. Teksa më parë deklaroi se nuk dëshironte që të krijonte lidhje në shtëpi, Egli tashmë ka shprehur hapur simpatinë për Gjestin, me të cilin kalon dhe pjesën më të madhe të kohës.
