Produkt 28 mund të rikthehet. Sipas Fabian Bashës, një prej anëtarëve të grupit, mund të kemi një rikthim dhe po, u tregua goxha entuziast.
I ftuar në “Top Albania Radio”, ai tha se është epoka e rikthimeve!
“E kemi menduar, jemi mbledhur, kemi bërë disa sesione në studio. Njëfarë pune paraprake ka nisur. Mbetet për t’u parë se si do rakordohemi me angazhimet që kemi. Dëshira e mirë ekziston nga të gjithë, energjia e mirë mbetet aty, thjesht koha”, u shpreh ai.
Ai tregoi se Produktit 28 i detyrohen shumë dhe nuk mund ta rikthejnë për ta shfrytëzuar, duke shtuar se do të sjellin “produkte të reja”. Pra, më shumë këngë nga Produkt 28, gjithnjë, nëse kanë kohë.