Mbrëmja e së enjtes në shtëpinë e Big Brother VIP Albania u shoqërua me surpriza për finalistët, të cilët mirëpritën disa të ftuar specialë nga ekranet e Top Channel. Moderatorë të njohur iu bashkuan darkës, duke sjellë një atmosferë më të gjallë dhe plot humor.
Gjatë bisedave, vëmendjen e mori një pyetje nga Rozana Radi, e cila iu drejtua Selin lidhur me planet e saj pas përfundimit të spektaklit, konkretisht nëse do të zhvendosej për të jetuar në Prishtinë pranë partnerit të saj, Dj Gimbo.
Selin u shpreh se e ardhmja mbetet për t’u parë, por theksoi qartë se dëshiron të qëndrojë në Tiranë. Ajo zbuloi se ka diskutuar edhe me Gimbon për këtë çështje dhe se e sheh veten duke ndërtuar jetën në kryeqytetin shqiptar.
Biseda mori një ton më të lehtë kur Rozana, me humor, e pyeti për kushtet e shtëpisë, ndërsa Selin u përgjigj me batutë se mund të marrë një tjetër banesë me qira.
Rozana Radi: Do jetosh në Prishtinë ti? Do jetosh atje më duket.
Selin: Jo nuk do jetoj atje. Ne kemi folur me Gimbon. Unë vendin e kam në qytetin e bukur të Tiranës.
Rozana Radi: Sa dhoma e kuzhinë ke ti?
Selin: Do marr një shtëpi tjetër me qira (qesh).
Jul Deda: Po ti për çfarë e pyet? Shkove gjë ti në Librazhd për të jetuar atje?
