Agron Shehaj nuk është lejuar të futet në Parlament nga punonjësit e Gardës.
Deputeti i Partisë “Mundësia” është përplasur fizikisht me ta, ndërsa ka kërkuar llogari se pse nuk lejohet që të hyjë.
Ai pretendon se në datën 22 qershor ka skaduar përjashtimi i tij nga Kuvendi. Në debatin me punonjësit e gardës, Shehaj tha:
“Skandal! Çfarë është kjo diktaturë? Më tregoni urdhrin që nuk më lejoni të futem në Kuvend. Më trego shkresën, ku është vendimi? Hiqi duart! Hiqi duart! Do të mbani përgjegjësi për këtë.
Më tregoni urdhrin. Mos më shty. Më tregoni vendimin. Ku e keni vendimin? Ka përfunduar në datën 22 qershor përjashtimi i im”, përfundoi ai.