Aktorja e njohur, Rebel Wilson, ka kurorëzuar dashurinë e saj me partneren Ramona Agruma, në një dasmë private në Itali. Gocat janë martuar në ceremoninë e tyre intime, pasi bënë publike lidhjen në vitin 2022.
Rebel dhe Ramona publikuan një foto në qershor të vitit 2022, duke na treguar kështu se janë bashkë dhe të lumtura. Rebel shkroi: “Mendoja se po kërkoja për një princ Disney, por mbase gjatë gjithë kësaj kohe kam dashur një princeshë Disney”.
Një vit më vonë, ato u fejuan. Ylli i “Bridesmaids” i propozoi Ramona-s para kështjellës së “Bukuroshes së Fjetur” në Disneyland në Kaliforni, në Ditën e Shën Valentinit. “Ne thamë “po”, shkroi Wilson në foton e tyre në Instagram.
Ato janë gjithashtu nëna të një vajze, Royce Lillian, e cila erdhi në jetë nga një nënë surrogate në nëntor 2022.
