Gjykata e Posaçme e Apelit lë në fuqi masën e sekuestros ndaj disa pasurive të bashkëshortëve Jamarbër Malltezi dhe Argita Berisha.
Shkalla e dytë e gjyqësorit refuzoi ankimin e bashkëshortëve, për pasojë pasuritë mbeten të ngrira, pasi dyshohet se rrjedhin nga burime të paligjshme.
Malltezi po gjykohet në GJKKO për korrupsion dhe pastrim parash, lidhur me procesin e privatizimit të ish-klubit sportiv “Partizani”.
Në të njëjtën çështje po gjykohet edhe vjehrri i tij, ish-kryeministri Sali Berisha.