Departamenti Amerikan i Shtetit ka ratifikuar marrëveshjen e huasë prej 302 milionë dollarë, në kuadër të programit Foreign Military Financing (FMF), e cila synon të mbështesë modernizimin e Forcave të Armatosura shqiptare.
Në njoftim zyrtar, DASH ka theksuar se kjo kredi, ka për ta ndihmuar Shqipërinë në modernizimin e forcave të armatosura të saj.
Po ashtu në njoftimin nënvizohet se kjo kredi, do të mbështesë progresin e Shqipërisë drejt përmbushjes së Angazhimit të Mbrojtjes për të shpenzuar 5 përqind të PBB-së për mbrojtje deri në vitin 2035.
Njoftimi i DASH:
Shtetet e Bashkuara janë krenare të njoftojnë ratifikimin dhe nënshkrimin nga Shqipëria të një kredie të re prej 302 milionë dollarësh për Financimin e Huaj Ushtarak (FMF), e cila do të mbështesë progresin e Shqipërisë drejt përmbushjes së Angazhimit të Mbrojtjes për të shpenzuar 5 përqind të PBB-së për mbrojtje deri në vitin 2035.
Kredia e FMF-së do të ndihmojë në modernizimin e forcave të armatosura të Shqipërisë duke mbështetur prokurimin e kapaciteteve kryesore me origjinë nga SHBA-ja dhe duke forcuar aftësinë e Evropës për të udhëhequr mbrojtjen e vet.
Si një aleate e NATO-s, Shqipëria është lidhur ngushtë me Shtetet e Bashkuara në çështje kritike të politikës së jashtme, duke përfshirë edhe rolin e anëtares themeluese të Bordit të Paqes të Presidentit Trump.
Kujtojmë që marrëveshja e huasë prej 302 milionë dollarësh mes Shqipërisë dhe Shteteve të Bashkuara të Amerikës u miratua nga Kuvendi më 27 korrik 2026 për modernizimin e ushtrisën. Ndërsa opozita e ka dërguar çështjen në Gjykatën Kushtetuese për shkak të procedurës së përshpejtuar dhe seancës me dyer të mbyllura.