Deputeti socialist Erion Braçe, që tashmë ka shpallur publikisht ambicien për kryebashkiak të kryeqytetit, po denoncon përditë problemet e ndryshme të Tiranës.
Dhe ato janë evidente, sidomos pas burgosjes së Erion Veliajt.
Mjafton të shohësh rrugët e lagjeve të Tiranës, dhe e kupton qartë këtë gjë.
Shikoni fotot e mëposhtme.
Janë bërë në Yzberisht të Tiranës, një lagje ku jetojnë mijëra njerëz.
Në vetëm 20 metra, janë tre gropa të mëdha rresht, që gjenden aty prej muajsh.
Dhe drejtuesit e mjeteve, rrezikojnë çdo ditë të çajnë ndonjë gomë në këto gropa, pasi si të mos mjaftojë kjo, parkohen edhe makina ngjitur me trotuarin, duke i detyruar shoferët të futen në gropë me makinë.
Tani në këtë rrugë, kalojnë edhe shumë punonjës të Bashkisë.
Por çuditërisht, askush nuk merr ndonjë masë, për t’i shtruar këto gropa, se nuk do ndonjë buxhet të madh.
Si ky rast, ka me dhjetëra në çdo lagje të Tiranës.
Mjafton të hysh në FB-në e Erion Braçes, dhe i sheh qartë.
Veçse këto nuk zgjidhen me denoncimet e Braçes, por me praninë e Bashkisë së Tiranës.
Prani që ka kohë që po mungon, duke i lënë qytetarët në mëshirë të fatit.
