9.5 C
Tirana
E premte, 29 Mars, 2024
More
    spot_img
    spot_img

    Edi Rama: Një përgjigjie për Big Brother-in politik që nisi në Shqipëri pas një arrestimi në Amerikë

    Kryeministri Edi Rama ka reaguar në Twitter pas arrestimit të ish-zyrtarit të FBI Charles McGonigal.

    Rama shkruan se gjërat për të cilat akuzohet s’kanë as edhe një lidhje me të, se po të kishin do t’i kishte nxjerrë hetimi i atyre që nuk manipulojnë prova e as kursejnë fajtorë.

    Ai i quan akuzat e opozitës “Big Brother i politikës” dhe thekson se ka vendosur se nuk do të merret më me nxjerrjen e çdo guri që hidhet përditë në lumë nga protagonistët e sojsojshëm të këtij Big Brotheri.

    “Akuzohet në Amerikë një zyrtar i FBI për gjëra që s’kanë as edhe një lidhje me mua (se po të kishin do t’i kishte nxjerrë hetimi i atyre që nuk manipulojnë prova e as kursejnë fajtorë) dhe në Shqipëri fillon gjyqi ndaj meje në Big Brotherin e politikës, kanaleve e portaleve!

    Jam mësuar, po së fundmi kam vendosur të mos merrem më me nxjerrjen e çdo guri që hidhet përditë në lumë nga protagonistët e sojsojshëm të këtij Big Brotheri pambarim! Më pak fjalë dhe akoma më shumë punë e kontakte me njerëzit që kanë punë për të bërë apo punë për të zgjidhur.

    Duhen kuptuar edhe ata që s’dinë të bëjnë asgjë tjetër, ashtu siç duhen kuptuar edhe ata që s’duan të besojnë asgjë tjetër përveç asaj që duan medoemos të besojnë”, shkruan Rama.

    spot_imgspot_img

    Lajmet e fundit