11.5 C
Tirana
E enjte, 28 Mars, 2024
More
    spot_img
    spot_img

    Florjan Binaj largohet nga Portokallia pas 18 vjetësh: Më pret një mision i veçantë!

    Aktori i njohur i humorit Florjan Binaj njoftoi ditën e sotme se është larguar përfundimisht nga emisioni ‘Portokalli’.

    Ai sqaroi nëpërmjet një statusi në Facebook se largohet pas 18 vitesh nga emisioni i humorit dhe se në të ardhmen do të ndërmarrë një mision i cili sipas tij do u shërbejë në të ardhmen artistëve shqiptarë.

    Ai shkruan se largimi nuk lidhet me protestën dhe as nuk ka në plan të krijojë një parti të re. Pasi ka falënderuar publikun që e mbështeti për kaq vite ai ka shkruar se në të ardhmen do të ketë projekte të tjera artistike.

    Reagimi:

    “Të dashur miq, kolegë, fansa të Portokallisë në të gjithë botën.

    Pas 18 vitesh, vendosa të jap dorëheqjen dhe të largohem nga Portokallia, rrjedhimisht edhe nga TopChannel. Largohem kur bëj fiks 18 vite jetë me Portokallinë dhe 18 vite pa Portokallinë.

    Ka qenë një rrugëtim i jashtëzakonshëm i cili më ka rritur profesionalisht dhe personalisht!Kam njohur kolegë shumë të talentuar gjatë gjithë këtij rrugëtimi, kam përjetuar emocione shumë të forta, kam dhënë mish e shpirt.

    Fatmirësisht në profesionin e komedisë, nuk bën dot hile, o bën për të qeshur ose nuk bën, nuk qesh njeri me zor në skenë!

    Ikja ime nga Portokallia nuk ka lidhje as me protestat, as me qeverinë dhe as me krijim partish! Ikja nga Portokallia ka të bëjë me një mision, i cili do i shërbejë në të ardhmen artistëve shqiptarë, çështja e të drejtave të autorit që fatkeqësisht në Shqipëri, quhen si mall pa zot dhe zotër vetëshpallen ata që nuk janë…koha do e tregojë kush ka pasur të drejtë e kush jo, sepse koha nuk di të gënjejë.

    U jam falënderues dhe mirënjohës të gjithë atyre miqve që më kanë ndihmuar dhe kanë besuar tek unë, kolegëve të Topit me të cilët u rritëm dhe ndajmë të njëjtat vlera, fansave që më kanë ndjekur çdo të dielë që nga fillimi i Marsit 2004 e deri në fillim të Marsit 2022. Faleminderit publikut që më dhënë dashuri dhe duartrokitur.

    Personazhet e mi dhe unë do i mungojmë Portokallisë, por jo publikut, për të cilin, e ardhmja do na bashkojë me projekte të reja artistike!I uroj shumë suksese kolegëve të mi në Portokalli!”, shkruan Binaj.

    spot_imgspot_img

    Lajmet e fundit