Nga Bukra Hysenukaj Kastrati
Ik me vrap e mos u kthe më kurrë në një vend;
-ku spitalet janë biznesi më fitimprurës.
-ku shëndeti(jeta) jepet me koncesion.
-ku qëllimi i ekzistencës është “me mbush barkun me bukë”.
-ku pedagogu me pagë 500 euro, i jep mësim studentit që shkon në universitet me makinë 50 mijë eurosh.
-Ku një dozë drogë mund ta porositësh po aq lehtë sa një kafe ekspres.
-Ku të jesh i varfër është turp e të vjedhësh, meritë.
-ku kultura përdhoset.
-ku historia shkruhet e rishkruhet si mbas orekseve politike.
-ku tradita shihet si arkaizëm
-ku intelektuali mëshirohet.
-ku ligjin e bëjnë të fortët.
-ku pasuria është në duart e injorantëve.
-ku mirësjellja merret si dobësi.
-ku respekti fitohet nga frika dhe interesi.
Ik me vrap e mos u kthe më në një vend, ku pemët në park janë prej betoni gri.
Ik, shpëto!